حوار \ نورسين عبدالباسط
مهرجان الإسكندرية لأفلام قصيرة:
: ما هو رأيك في استعدادات مهرجان الإسكندرية السينمائي للأفلام القصيرة؟
مهرجان الإسكندرية لأفلام قصيرة متألق جداً والاستعدادات في منتهى الجمال. كل سنة حقيقي في تطور كبير. وأحب أشكر “سعدون” و”منى” وكل من شارك وآمن بالمهرجان. ويارب دايماً في تقدم.
العائلة والتمثيل:
: هل ارتباط والدك وعائلتك بمجال الفن والتمثيل أثر عليك في البداية؟
في بداية مشواري في التمثيل أكيد، لدرجة إني بقيت اسمع إني عشان الواسطة ووالدي مخرج وكذا. ولكن جاهدت في أن أثبت نفسي للناس وللجمهور ونجحت.
: بخصوص لهجة والدتك لأنها مغربية الأصل، هل تتقن التحدث باللهجة المغربية؟
بصراحة أنا ساعات مش بفهم والدتي. أنا مش عارف غير كام كلمة كدا بنحاول نتعامل بيهم معاها. لكن أنا معرفش أتكلم مغربي خالص.
أدوار مميزة:
: أي الدور عملته وحسيت إنه شبهك؟
فيلم “باب الوداع” 2014. حسيت إنه شبهي. هو فيلم كتبه وأخرجه كريم حنفي وهو صديقي. وكنت معاه أثناء كتبته للفيلم. الفيلم كان في انعكاس كبير لحالة الوحدة والرغبة للهروب. فا الفيلم كان شبهي جداً.
: مسلسل سر إلهي. ما رأيك بدور يحيى في مسلسل “سر إلهي”؟ وهل في صعوبة قابلتك في تأديه دور “يحيى”؟
دور يحيى كان حلو أوي ومترددتش إني أمثله.
رؤية إخراجية:
: من رؤيتك كمخرج، أي الممكن يكون ناقص أو يحتاج إلى تعديل لا في السينما والدراما المصرية؟
الفن لازم يبقى له هدف. الفن ممكن يكون رسالة وممكن يكون رصاصة. لكن أنا أحمد مجدي بشتغل على أنه رسالة ومفيدة. وأنا شايف بصراحة إن سينما والدراما المصرية تتطورت بشكل كبير.
المغامرة والتجديد:
: لو هتخرج فيلم ممكن تتلجأ للوجه الجديده ولا ممكن تخاف من عدم نجاح الفيلم؟
مؤكد، لأن الأجيال الجديدة لازم يفيدوا ويستفادوا. وأنا مع فكرة الوجوه الجديدة طبعاً. غير كدا أنا بحب المغامرة فا لا مش هخاف. بالعكس دلوقتي الأجيال بتخاطب بعضها.
: لو خيروك بين التمثيل والإخراج تختار أي؟
مش هينفع أحدد لاني بحس إني مخرج بس من جوايا لما ببقى قاعد مع نفسي. لكن لما ببقى قدام الكاميرا بمثل بحس إني ممثل. فا أنا الاتنين.
طموحات وأمنيات:
: هل في شخصية معينة نفسك تقدم السيرة الذاتية بتاعتها؟
: مؤكد شخصيات كتيرة جداً تاريخية زي تحتمس الثالث، أحمد بن طولون. نفسي
